လမ်းမတော် မြို့နယ် နေအိမ် တိုက်ခန်းတွင် သေဆုံးနေသူ အမျိုးသားတစ်ဦးတွေ့ရှိ

လမ်းမတော် မြို့နယ် အမှတ် ၃ ရပ်ကွက် ၇ လမ်း အိမ် အမှတ် ၆၂ မြေညီ ထပ်ခိုးတွင် ကိုရဲဝင်းသူ(ခ)ရဲလေး အသက် ၃၂ နှစ်ခန့်သည် ဒီဇင်ဘာလ ၆ ရက် နံနက် ၈ နာရီ ခန့်က နေအိမ် တွင်သေဆုံးနေ သည်ကိုတွေ့ ရှိခဲ့ကြောင်း လမ်းမတော်မြို့မရဲစခန်းမှ ဒုရဲအုပ် ကျော်လင်းထွန်း ကပြောသည်။
“သေဆုံးသူက အရက်အလွန်အကျွံသောက်တတ်သူတစ်ဦးဖြစ်သလို တစ်ခါတရံမှာလဲစိတ်ထင်ရာကို လုပ်တတ်သူလို့ စုံစမ်းသိရှိထားပါ တယ်။သေဆုံးသူအနီးမှာတော့ ပိုလို တံဆိပ်ပါ သီးနှံပိုးသတ်ဆေး ၃ ပုလင်း နဲ့ ပိုးသတ်ဆေးအနံ့ရတဲ့ ရေသန့်ဘူးခွံတစ်ခုကိုတွေ့ရှိထားပါတယ်။ အခု သေမှုသေခင်းဖွင့်ပြီးစစ်ဆေးဆောင်ရွက်နေပါတယ်”ဟု ၄င်းကပြောသည်။ သေဆုံသူသည် လွန်ခဲ့သော ၂ ရက်ခန့် က သေဆုံးခြင်းဖြစ်နိုင်ကြောင်း နှင့် တစ်တိုက်တည်းနေ ဦးလေးဖြစ်သူ မှ ယင်းအခန်း သို့သွားရောက်စဉ် တွေ့မြင်ခဲ့သောကြောင့် သက်ဆိုင်ရာသို့ အကြောင်းကြား ခဲ့ခြင်းဖြစ်ကြောင်းသိရသည်။ ယခုအခါ သေဆုံးသူ အလောင်းကို ရန်ကုန်ဆေးရုံကြီး ပို့ဆောင်ကာ ဓမ္မတာအတိုင်းသေဆုံးခြင်း ဟုတ်မဟုတ် သေမှုသေခင်းအမှတ်စဉ် ၁၁/၂၀၁၇ ဖြင့် အမှုဖွင့်စစ်ဆေး လျက်ရှိကြောင်းသိရသည်။
Credit: SWH (ဓာတ်ပုံ-Thein Zaw)

Be the first to comment

Leave a Reply

Your email address will not be published.


*